Related Posts Plugin for WordPress, Blogger...

2010年11月9日星期二

[傳教] EVE Online Vol.2

上期為大家初步介紹咗EVE既特點, 今期將會介紹既係戰鬥形式.

一講到宇宙戰爭, 我諗大家好可能會聯想到空間躍遷. 空間躍遷現時為止雖然仲係一種幻想科學, 但係其初步概念並非空想科學. 現實中的確有物理理論認為空間係可以被扭曲, 從而達到超光速. 大家如果有興趣可以自行serch下.

EVE既戰爭宏觀概念就係以空間躍遷為基礎既衍生世界.

EVE內所有船隻都有 Warp Drive, 起動時間由幾秒到十幾秒之間, 之後可以以超光速移動.由此EVE 世界既艦隊既宏觀移動速度非常高. 但係如果要作短距離移動, 係無warp drive既支持下就會變得非常緩慢. 以一般中型船隻(長度大概300m)作例子, 速度只有200 m/s 左右.

正因為宏觀速度與微觀速度既巨大差異, 現代既長距離武器概念失去咗威力, 因為任何過於遙遠既威脅都能以空間躍遷迴避, 反而係唔可以躍遷既距離, 迴避能力非常低下. 結果於EVE世界最廣為沿用既, 係戰艦之間既近距離交火.
======================================================

如果大家仲記得上一期所講, EVE星圖係非常巨大既. 其中無限制PvP地區占大概六成. 由於資源非常豐富, 經常會發生大大小小既戰鬥.

EVE既戰鬥可分為以下幾種.

1. 最細規模既, 由solo至幾個人不等 . 此類一般稱之為宇宙海盜. 由於人少, 整體移動力係佢地既長處. 佢地平時穿梭於星域間, 目標一般係單身路人, 比如係隕石帶和和平平咁採礦既採礦船, 或者係開開心心運貨既商人, 又或者係自閉做任務既PvE人.

以上3種人, 可以理解為水魚, 毫無反抗能力, 而且身上資產都唔少. 採礦船入面好多礦石, 商人貨船入面通常有好多值錢貨物, 自閉PvE人通常有PvE神裝, 一件可以買你兩隻船. 佢地可以算係食物鏈的底層.

由於此3類人殺之不盡, 以捕食佢地維生既海盜一直係非常熱門既"行業".

2. 為咗自身既安全, 比較醒既玩家(亦都係大部分玩家)會選擇團結起黎, 組成聯盟, 占山為王. 如果係自己地頭有海盜, 佢地會組成海盜殲滅隊, 嘗試將海盜趕出自己地頭. 由於此類海盜殲滅隊一般人數比海盜多,加上佔有地利, 所以作為一個聰明既海盜, 通常會選擇撤退.

大家可能會諗, 咁海盜咪好灰? 到處被圍剿...

其實... EVE世界一樣好黑暗, E班 "海盜" 通常都係相鄰地頭既玩家, 平時扮和平, 見你落單就打劫= =

所以, 時不時會出現賊喊捉賊既情況, 鄰近地頭既 "海盜殲滅隊" 互相開波.

此類戰鬥屬於中型,大概牽涉30-60人不等.

3. 開得波多, 佛都有火. 與其成日比人騷擾, 長痛不如短痛, call馬一次收佢地皮.

此類戰鬥係EVE既精粹, 稱之為會戰. 牽涉人數由一兩百到一兩千不等, 係名副其實既會戰. 出動既唔再係以速度為先既細船, 而係真正為大規模戰鬥而設既大型戰船, 部分情況更會出動旗艦隊.

戰鬥升級到呢個層次, 已經唔係一兩日可以搞掂. 聯盟與聯盟之間既戰爭會發展成歷時幾個月既消耗戰, 期間被摧毀既大型戰船以千計. 宏觀角度下, 真正考驗既係雙方既後勤補給力. 簡單黎講, 邊個破產先就輸.



============================================================

講到呢度, 相信大家對EVE 既戰鬥模式都開始有初步認識, 以下係部分戰艦既介紹. 由於篇幅關係, 不能盡錄, 只取個別有代表性既黎講.



Heavy Assult Ship (重型突擊艦)

屬於中型戰艦, 速度正常偏高係佢既特點. 一般用於打劫/反海盜等等, 係中小型戰鬥既主流戰艦.


Amarr - Zealot



Caldari - Cerberus



Gallente - Deimos



Minmatar - Muninn




Battleship (戰列巡洋艦) <-------唔係我譯既=_,= 屬於大型戰艦, 各種大型會戰既主流中堅戰艦, 同時亦可勝任大部分PvE任務 Amarr - Apocalypse



Caldari - Rokh




Gallente - Megathron (Transfromer - -?)




Minmatar - Tempest




Carrier (航空母艦)

旗艦既一種, 全長超過4000m, 非常非常厚血, 自身無視所有電子干擾(類似wow既CC). 主要定位為艦隊奶媽, 擁有神級遙距修理能力. 可以裝載會戰模組(類似光環), 提供巨大修理加成. 三架carrier所構成既repair chain, 只要對方無相應既旗艦, 號稱無敵.



Amarr - Aeon




Caldari - Wyvern




Gallente - Nyx




Minmatar - Hel





Titan (泰坦)


旗艦之首, 全長愈十幾公里, 超超超厚血, 可以搭載兩種會戰模組(範圍內我方+6倍dps或修理巨大加成). 擁有旗艦炮 Doomsday Device, 曾經係一個方圓百幾公里既AOE, 秒殺所有範圍內非旗艦單位, 但係因為太屈- - 被nerf. 現時版本成為單體攻擊, 能做到一炮秒旗艦外所有艦船, 就算係旗艦, 半血必死.

另外旗艦擁有誘導力場, 可以於範圍內即時傳送遠方部隊進入戰場. 係一個非常有威脅性既存在.


Amarr - Avatar (佢個樣係個gag...)




Caldari - Leviathan




Gallente - Erebus




Minmatar - Ragnarok


=======================================================
打住咁多先, 下期為大家具體介紹戰鬥常用戰術, 包括電子戰(ECM)與反電子戰(ECCM), 反空間躍遷, 常規誘導戰, 隱秘偷襲戰術與據點攻防戰等等.

下期亦會介紹部分今次未提及到既艦船, 包括小型與中型攔截艦, 隱形轟炸艦, 隱形誘導力場艦,以及部分非戰鬥艦船.

最后附上官方宣傳影片.


Butterfly Effect

主要講解我先前提及到既幾種戰鬥規模既升級.




Tyrannis Trailer

係最近期既trailer, 值得一提既係, 入面大部分模型都直接沿用遊戲內既模型, 當然佢係有從新render過, 不過整體來講保持到Trailer既7成左右.

5 則留言:

  1. 如果開會戰的話咁點?唔可以offline一直pk?
    同埋商人&礦石船係npc?
    pve任務又係乜內容?如果pve咁有錢點解d人唔全部走去pve先pvp?

    回覆刪除
  2. 話說飯飯你不如比較下EVE同其他ONLINE GAME既分別咁大家先知道點解要玩EVE而不是WOW、EQ2、AION、FF14之類...

    回覆刪除
  3. "如果開會戰的話咁點?唔可以offline一直pk?"

    如果真係打到咁大,就係唔同時區既人接力.

    係我第一個post入面講過,EVE係單server, 一個alliance係由好多cooperation組成,當中理所當然有唔同時區既人. 如果真係打到咁大, 通常會有幾個最高指揮官, 負責唔同時段既攻防問題.

    "同埋商人&礦石船係npc?"

    我以上所提到既,全部都係真人. 係我上一個post度講過, EVE世界同其他online game 好唔同, 物流/貿易係一種唔錯既賺錢方式.
    採礦同樣係賺錢方式既一種, 同樣係真人.

    "pve任務又係乜內容?"

    EVE入面PvE內容基本係0, 我上面所提到既"做任務"係僅有既PvE賺錢方式

    所謂既"做任務"其實只係一堆係咁重複既npc任務,比如去一個地方,打一D npc, 完成後比D錢你. 同EVE本身故意內容無咩關係.

    因為PvE只係一種非常沉悶既farm怪活動,目的只係為錢,好多人都會選擇其他賺錢方式. PvE farm怪唯一既長處係簡單, 所以一般只有新手先會做.呢個亦係點解自閉做任務既人一般都係水魚既原因.

    "如果pve咁有錢點解d人唔全部走去pve先pvp? "

    一個有規模既alliance 係有戰鬥損壞補給既.你如果因為pvp而被爆船, alliance既補給部門一般都會比過隻新既你.呢個就係點解我話,長期戰爭最後係睇邊個alliance後勤破產先既原因.

    "EVE同其他ONLINE GAME既分別"

    由於我無咩玩過wow以外既online game, 不便作太多評論.

    如果話同wow比, 比較明顯既地方我係第一個post度基本都提及過.

    比如offline 升skill系統, 更真實既市場系統, 同內容注重PvP等等.

    我個人覺得EVE既吸引人之處,在於其pvp戰鬥形式既多元化同戰略性.

    以wow作一個反面例子. wow既多人pvp形式好難有任何突破.

    係我呢幾年既wow生涯中,一埸有組織既AV都未見過. D人一係亂咁沖,一係就係後面tui,根本就係大亂鬥.

    Warsong同AB 係60lv既時候部分server曾經有組織過,之後一去不復反.

    70後既Arena算係一個改變,但係相信大家都聽過"一個補丁一代神" 呢句說話講出咗blizzard既"balance"既一大特點:

    Blizz既"Balance"係一個流動既概念, 佢地根本做唔出一個靜止既Balance. 佢地做得到既只係nerf 今個arena season既OP角色, 下個season 邊個OP就nerf邊個.

    點解會出現咁既情況? 因為規模太細,個別唔平衡既因素對整體結果影響太大.

    規模細既難平衡, 規模大既是但打, wow既pvp真係好悲哀.
    ============================================

    其實我出果兩個post 前有諗過點樣去精簡D, 但係我認為EVE既真正過人之處係佢既嚴謹性同複雜性,係呢一方面我認為比較難去簡略蓋括.只好一步一步慢慢講.

    可能呢個就係點解EVE少人玩既原因.

    回覆刪除
  4. >>EVE少人玩既原因

    唔係打起身可以有2000人規模 - -?
    同埋又有1x個公會
    咁計埋當一個公會1000人都有萬幾人吧
    一server萬幾人已經夠玩。

    回覆刪除
  5. 都可以咁講

    以單server黎講, 的確比wow多好多

    任何時段都可以保持2萬-4萬人online

    但係始終,EVE既知名程度同wow無得比.

    回覆刪除